Aaj ke time mein mobile phone hamari daily life ka important part ban chuka hai. Lekin jab mobile charging slow hoti hai, to kaafi frustration hota hai. Phone charge hone mein zyada time leta hai ya percent bahut dheere badhta hai.
Mobile Charging Slow Hone Ke Main Reasons
Mobile charging slow hone ki problem ko samajhne ke liye neeche bataye gaye 7 main reasons ko dhyaan se padhein. Har ek reason real-life problems par based hai, jise follow karke aap apne phone ki charging speed ko kaafi had tak improve kar sakte hain.
1. Low Quality Charger ya Cable
Agar aap local ya duplicate charger/cable use kar rahe ho, to phone ko proper current supply nahi milti. Is wajah se charging speed slow ho jaati hai.
Solution: Original charger aur achhi quality cable ka use kare.
2. Charging Port Mein Dust ya Gandi Mitti
Phone ke charging port mein dust, lint ya mitti jama ho jaati hai jisse charger sahi se connect nahi hota.
Solution: Soft brush ya wooden toothpick se port ko gently clean kare.
3. Background Apps Zyada Chal Rahi Hain
Charging ke time agar internet, games ya heavy apps chal rahe ho to battery fast consume hoti hai.
Solution: Unnecessary apps close kare aur ho sake to airplane mode ON kare.
4. Phone Use Karte Hue Charging
Charging ke time phone use karne se battery input aur output ek saath hota hai, jisse charging slow hoti hai.
Solution: Charging ke time phone ka use na kare aur screen OFF rakhe.
5. Battery Old ya Damage Ho Chuki Hai
Agar phone purana ho chuka hai, to battery ki capacity kam ho jaati hai. Is wajah se phone slow charge hota hai.
Solution: Battery health check karwaye aur zarurat ho to battery replace karwaye.
6. Software Issue ya Bug
Kabhi-kabhi software update ke baad charging related problems aa jaati hain.
Solution: Phone restart kare aur latest software update install kare.
7. Power Source Weak Ho
Laptop, power bank ya weak extension board se charge karne par charging slow hoti hai.
Solution: Phone ko direct wall socket se charge kare.
Fast Charging Ke Liye Extra Tips
- Charging ke time phone heat hone se bachaye
- Mobile cover nikaal kar charge kare
- Cheap charging accessories avoid kare
- Battery ko baar-baar 0% aur 100% tak na le jaaye
Kab Repair Karwana Zaroori Hai?
Agar naya charger use karne ke baad bhi charging slow hai, port clean karne ke baad bhi problem aa rahi hai, ya phone zyada heat ho raha hai, to hardware issue ho sakta hai.
Is case mein phone ko kisi professional mobile repairing shop par dikhana best option hota hai.
Conclusion
Mobile charging slow hona ek common problem hai, lekin sahi charger, clean charging port aur proper usage se is problem ko easily fix kiya ja sakta hai. Agar problem phir bhi solve na ho, to expert technician se check karwana chahiye.
Most Ask Questions
Q. Mobile charging fast kaise kare?
Original charger aur cable ka use kare, background apps band rakhe aur
charging ke time phone ka use na kare.
Q. Slow charging se battery kharab hoti hai?
Haan, lambe samay tak slow aur galat charging se battery ki health par bura
asar pad sakta hai.
Q. Charging ke time phone use karna sahi hai?
Nahi, charging ke dauran phone use karne se charging slow hoti hai aur battery
heat ho sakti hai.
Q. Fake charger se charging slow hoti hai?
Haan, duplicate ya local charger proper power supply nahi deta jisse charging
speed kam ho jati hai.
Q. Charging port ganda hone se problem hoti hai?
Ji haan, charging port me dhool ya mitti jamne se current flow kam ho jata hai
aur charging slow ho jati hai.
Q. Battery purani hone par charging slow hoti hai?
Haan, purani ya damaged battery power properly accept nahi karti, jis wajah se
charging speed kam ho jati hai.
0 Comments